ಮುಂಜಾನೆಯ ಕನಸಲ್ಲಿ ಕಣ್ರೆಪ್ಪೆಗಳ ನಡುವೆ ನಿನ್ನ ಬಿಗಿಯಾಗಿ ಬಂಧಿಸಿದ್ದೇನೆ. ಯಾಕೋ ಭಯ ಕಣ್ಣು ತೆರೆದರೆ ಅದೆಲ್ಲಿ ಜಾರಿ ಹೋಗುತ್ತಿಯೋ ಎಂದು. ಪ್ರತಿ ಕ್ಷಣದ ನಿನ್ನ ನೆನಪಲ್ಲಿ ಆ ಸಮ್ಮೋಹಕ ನಗುವನ್ನು ನೆನೆದು ಮತ್ತಷ್ಟು ದುರ್ಬಲನಾಗುತ್ತೇನೆ. ಯಾಕೆ ಗೊತ್ತೆ ? ನಿನ್ನ ನಗುವಲ್ಲಿನ ಮಾಂತ್ರಿಕ ಶಕ್ತಿ ನನ್ನ ಕಠಿಣ ನಿರ್ಧಾರವನ್ನು, ನೋವನ್ನು ತೇಲಿಸಿ ಬೀಡುತ್ತದೆ. ನಿನ್ನ ನಗುವಿನ ಚಮತ್ಕಾರಕ್ಕೆ ನಾನು ಸೋತಿದ್ದೇನೆ. ನನ್ನ ಬೊಗಸೆಯೊಳಗೆ ನಿನ್ನ ಪ್ರೀತಿಯನ್ನು ಬೆಚ್ಚಗೆ ಕಾಯ್ದುಕೊಳ್ಳುವ ಬಯಕೆ. ಪ್ರತಿ ತಂಗಾಳಿ ಬೀಸಿ ಹೋದಾಗ ನೀನೆ ಹಾದು ಹೋದ ಅನುಭವ. ನಿನ್ನನ್ಯಾಕೆ ನಾ ಹಿಡಿದು ನಿಲ್ಲಿಸಲಿಲ್ಲ ಎನ್ನುವ ಚಡಪಡಿಕೆ. ಗೆಳತಿ ನೀನಲ್ಲದೆ ಯಾವ ಹುಡುಗಿಗೂ ನನ್ನ ಕನವರಿಕೆಯಲ್ಲಿ ಜಾಗ ಇಲ್ಲ ಕಣೆ. ಈಗೀಗ ವರ್ಷವಿಡಿ ಮಳೆ ಬರುತ್ತಲೆ ಇರಬೇಕು ಎಂದನಿಸುತ್ತದೆ. ನಮ್ಮ ಗಾಡ ಪ್ರೀತಿಯ ಬುನಾದಿ ಈ ಮುಂಗಾರು ಮಳೆ ಎಂದರೆ ನೀನು ಒಪ್ಪುತ್ತೀಯಾ? ಮುಂಗಾರು ಮಳೆಯ ಜತೆ ಒಂದೇ ಕೊಡೆಯಡಿ ಹೆಜ್ಜೆ ಇಟ್ಟಾಗ ನೀನು ನೆಗಡಿಯಾಗುತ್ತೆ ಎನ್ನುತ್ತಿದ್ದೆ. ನೀರಿಗೆ ಕಾಲಿಳಿಸಿ ನಿನ್ನ ಮೈಮೇಲೆ ನೀರು ಚಿಮ್ಮಿಸಬೇಕು, ಕೈಗೆ ಕೈ ಬೆಸೆದು ನಿನ್ನೆದೆಗೆ ಒರಗಿದಾಗ ನೀನು ನನ್ನ ತಲೆ ಸವರಿ ಸಾಂತ್ವನಿಸಬೇಕು, ಮಗುವಾಗಿ ನಿನ್ನ ಮಡಿಲಲ್ಲಿ ಮಲಗಿ ಕನಸುಗಳ ಸೌಧ ಕಟ್ಟಬೇಕು. ಆ ಕನಸಿನ ಸೌಧದೊಳಗೆ ನನ್ನ-ನಿನ್ನ ಜೋಡಿ ಪಯಣ ಸಾಗಬೇಕು ... ಅದೆಷ್ಟು ಆಸೆಗಳು ಹುಚ್ಚು ಹುಡುಗ ಎಂದು ನನಗೆ ನಾನೇ ಹೇಳಿಕೊಳ್ಳುತ್ತೇನೆ. ಆದರೂ ನಿನ್ನೆಡೆಗೆ ಮೋಹ ಬಿಡದು. ಹುಡುಗಿ ನಿನ್ನ ಕ್ಷಣ ನೋಟವನ್ನು ಎದುರಿಸಲಾರದೆ ಸೋತಿದ್ದೇನೆ ಕಣೇ, ನನ್ನ ಜೀವನ ಸಂಗಾತಿ ನೀನಾದರೆ ಬದುಕು ಅದೆಷ್ಟು ಚೆನ್ನಾಗಿರುತ್ತದೆ. ನನ್ನ ನಲಿವು ನೋವುಗಳಿಗೆ ಭರವಸೆಯಾಗಿ ನೀನಿರುತ್ತೀಯಾ ಎಂಬ ಕಲ್ಪನೆಯೇ ಸುಖ ತರುವಂತಹದ್ದು. ನನ್ನ ಪ್ರತಿ ಗೆಲುವಿಗೂ ಸಂತೋಷಕ್ಕೂ ಸಾಧನೆಗೂ ನೀನೆ ಮನ ತುಂಬಿ ಹಾರೈಸಬೇಕು... ನಿನ್ನ ಭಾವನೆಗಳ ಜೊತೆ ನನ್ನ ಪಾಲು ಇರಬೇಕು ನಿನ್ನ ಭಾವನೆಯಲ್ಲಿ ನಾನು ಪ್ರತಿಕ್ಷಣ ಮಿಂದೆಳಬೇಕು ನೋವುಗಳನ್ನೆಲ್ಲ ನಿನ್ನ ಮುಂದೆ ಹರವಿಟ್ಟು ಅದನ್ನು ಸಂತಸದಿಂದ ಆಲಿಸಬೇಕು.
ಓಹ್ ಅದೆಷ್ಟು ಕನವರಿಕೆಗಳು ಗೆಳತಿ ನೀನೇ ನನ್ನ ಬದುಕಿನ ಒಡತಿ. ಈಗ ಪ್ರೀತಿಯ ನೋವು ಅನುಭವಿಸುತ್ತಿದ್ದೇನೆ. ಈ ನೋವಿಗೆ ನಿನ್ನ ಪ್ರೀತಿಯೇ ಔಷಧಿ. ಒಂದು ಬಾರಿ ನನ್ನ ಕೈಹಿಡಿದು ನಿನ್ನ ಪ್ರೀತಿಯನ್ನು ಅರಹುಬಾರದೇ? ನಿನ್ನ ಬಿಸಿಯುಸಿರನ್ನು ನನ್ನೋಳಗೆ ಜೋಪಾನವಾಗಿ ಇಟ್ಟುಕೊಂಡು ಅದನ್ನೆ ನನ್ನುಸಿರನ್ನಾಗಿಸುವಾಸೆ ಜತೆಯಾಗುವೇಯಾ ಓ ನನ್ನ ಜೀವವೆ.
ಓಹ್ ಅದೆಷ್ಟು ಕನವರಿಕೆಗಳು ಗೆಳತಿ ನೀನೇ ನನ್ನ ಬದುಕಿನ ಒಡತಿ. ಈಗ ಪ್ರೀತಿಯ ನೋವು ಅನುಭವಿಸುತ್ತಿದ್ದೇನೆ. ಈ ನೋವಿಗೆ ನಿನ್ನ ಪ್ರೀತಿಯೇ ಔಷಧಿ. ಒಂದು ಬಾರಿ ನನ್ನ ಕೈಹಿಡಿದು ನಿನ್ನ ಪ್ರೀತಿಯನ್ನು ಅರಹುಬಾರದೇ? ನಿನ್ನ ಬಿಸಿಯುಸಿರನ್ನು ನನ್ನೋಳಗೆ ಜೋಪಾನವಾಗಿ ಇಟ್ಟುಕೊಂಡು ಅದನ್ನೆ ನನ್ನುಸಿರನ್ನಾಗಿಸುವಾಸೆ ಜತೆಯಾಗುವೇಯಾ ಓ ನನ್ನ ಜೀವವೆ.
wow super
ReplyDeletesuper yaaaaaaa
ReplyDeleteThis comment has been removed by a blog administrator.
ReplyDeleteThis comment has been removed by the author.
ReplyDeleteಅಪಿ ಬಾರಿ ಚಂದ ಬರದಿಯಲ್ಲೋ. ಯಾವಾಗಾಯಿತೊ ನಿನಗೀ ಅನುಭವ? ಅದರಾಗ ನಾನೇ ಮುಳುಗಿ ಹೋದೆ........
ReplyDelete